+7 (777) 001 44 99
Қазақша
Русский
English
Литва Ресей газынынан толығымен бас тартты. Бұл туралы ел президенті Гитанас Науседа мәлімдеді, - деп хабарлайды Tengrinews.kz тілшісі РИА Новости порталына сілтеме жасап.
"Осы айдан бастап Литвада ресейлік газ болмайды. Көп жыл бұрын менің елім қазіргі агрессормен энергетикалық байланысын ауыртпалықсыз үзуге мүмкіндік беретін шешімдер шығарды. Біз мұны жасай алсақ, Еуропаның қалған бөлігінің де қолынан келеді!" - деп жазды Науседа Twitter-дегі парақшасында.
Бұған дейін Еуропалық комиссия ресейлік газды алмастыруға мүмкіндік беретін төтенше жоспар дайындаған еді. Шаралар арасында радиаторлар мен кондиционерлерді пайдалануды қысқарту (шамамен 14 миллиард текше метр газды үнемдеуге мүмкіндік береді), биометанды ілгерілету, сондай-ақ жел мен күн энергиясы жөніндегі жобалар (тағы 25 миллиард текше метр үнемдеу) бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
