+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Еуроодақ Ресейге қарсы тоғызыншы санкциялар пакетін әзірлеп жатыр. Бұл туралы "Азаттық радиосы" халықаралық медиа-компаниясының Еуропадағы редакторы Рикард Йозвяк мәлімдеді, - деп хабарлайды Tengrinews.kz тілшісі.
Еуроодақ Ресейге қарсы тоғызыншы санкциялар пакетін әзірлеп жатыр. Бұл туралы "Азаттық радиосы" халықаралық медиа-компаниясының Еуропадағы редакторы Рикард Йозвяк мәлімдеді, - деп хабарлайды Tengrinews.kz тілшісі.
Рикард Йозвяк Twitter-парақшасында санкциялар пакеті ресейлік активтерді тәркілеу, мүлікті сатуға тыйым салу және алдыңғы раундтарда қарастырылған басқа да мәселелерді қамтуы мүмкін екенін айтты.
there are already work on a potential new EU sanctions package on #Russia. could incl 🇷🇺asset confiscation, ban on property sales & other bits that was considered in previous rounds, also #Belarus can be targeted again having been entirely left out in the previous round. #Ukraine
— Rikard Jozwiak (@RikardJozwiak) October 11, 2022
"Қазірдің өзінде ЕО-ның Ресейге қатысты жаңа санкциялар пакеті бойынша жұмыс жүргізіліп жатыр", - деп жазды Йозвяк.
Оның айтуынша, жаңа санкциялар пакетінде Беларуське қатысты шектеулер де болуы мүмкін, өйткені ол бұрынғыға кірмеген.
Еуроодақтың сыртқы саясат жөніндегі өкілі Питер Стано 10 қазанда өткен брифингте Александр Лукашенко Ресейге Украинамен соғыста белсенді түрде көмектесетін болса, Беларусь ЕО-ның жаңа шектеу шараларына тап болатынын айтты. Сонымен қатар, Еуропалық Одақ Лукашенконың Украинаға Беларусь территориясына шабуыл жасауды жоспарлауға қатысты айыптауынан хабардар, деді ол.
"Лукашенконың Беларусь-Ресей әскерлерінің біріккен тобын құру туралы мәлімдемесін естідік. Бұл Еуроодақтың назарынан тыс қалмайтын эскалацияның тағы бір мысалы", - деп түйіндеді Стано.
Еске салайық, кейінгі аптада ғана ЕО кеңесі Ресейге қарсы санкциялардың сегізінші пакетін мақұлдаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
