+7 (777) 001 44 99
Қазақша
Русский
English
Еуроодақ Украинадағы әскери қылмыстарға байланысты Ресейге қарсы төртінші санкциялар пакетін мақұлдады, - деп хабарлайды Tengrinews.kz тілшісі Deutsche Welle-ге сілтеме жасап.
Басылымның мәліметінше, жаңа санкцияларға ресейлік көмірді импорттауға толық эмбарго, сондай-ақ қару-жарақ жеткізуге және ресейлік ағашты импорттауға тыйым салу кіреді. Бұл туралы Twitter-де Еуропалық Одақ Кеңесіндегі Француз өкілдігі хабарлады.
Бұл шаралар ресейлік қазба отынның импортына толық тыйым салуды көздемейтіні атап өтілді, бірақ ЕО өкілдері егер Мәскеу шабуылды жалғастырса, ол да болуы мүмкін деп мәлімдеді.
🔴#Ukraine | Approbation par le COREPER II d’un nouveau paquet de sanctions dans le contexte de l’agression russe contre l’Ukraine.
— Présidence française du Conseil de l’UE 🇫🇷🇪🇺 (@Europe2022FR) April 7, 2022
Ce paquet très substantiel étend les sanctions à l’encontre de la Russie à de nouveaux domaines et prévoit notamment ⤵️ 1/5#PFUE2022 pic.twitter.com/4ECmuUaAap
Жаңа санкциялар пакеті төрт банк үшін, соның ішінде ВТБ үшін транзакцияларға толық тыйым салуды қамтиды. Сондай-ақ, ресейлік кемелерге Еуропалық Одақ порттарына кіруге тыйым салынады.
Санкциялар тізіміне кәсіпкерлер, журналистер және әскери қызметкерлер де кіреді. Айыппұл шараларының тізіміне Ресейден 5,5 миллиард еуро көлемінде ағаш, цемент және теңіз өнімдерін әкелуге тыйым салынды. Шаралар пакеті ЕО-ның ресми журналында жарияланғаннан кейін күшіне енеді, ол 8 сәуірде шығады деп күтіліп отыр.
ЕО комиссиясының бағалауы бойынша, көмірге тыйым салу Ресейді жылына 4 миллиард еуро кірістен айырады.
Бұған дейін Еуропалық Одақ Украинаның шабуылына қатысы бар ресейлік жеке және заңды тұлғаларға қарсы төртінші санкциялар пакетін мақұлдады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
