+7 (777) 001 44 99
Қазақша
Русский
English
ЕО Ресеймен соғысып жатқан жоқ, бірақ қазіргі жағдайда Украинаны қолдайды, - деп хабарлайды Tengrinews.kz тілшісі.
Бұл туралы Еуропалық Одақтың сыртқы істер және қауіпсіздік саясаты жөніндегі жоғары өкілі Жозеп Боррель испаниялық Cadena SER радиосына берген сұхбатында айтты.
"Біз Ресеймен соғысып жатқан жоқпыз, бірақ қазіргі жағдайда Украина жағындамыз. Санкция санкцияланған елдің экономикасына зиян келтіру үшін енгізіледі, бірақ ол бізге де зиян келтіретіні сөзсіз. Сондықтан біз бәріне дайын болуымыз керек", - деді еуропалық дипломат.
Боррель Ресейге санкция салған дұрыс екенін, бірақ санкция салу саясат емес, қазір болып жатқан жағдайларға реакция екенін айтты. Сондай-ақ, еуропалық армия құру күн тәртібінде жоқ екенін айтып, ЕО-ға мүше елдердің қорғаныс шығындарын ұжымдық түрде арттыруға шақырды.
"Біз көбірек және жақсырақ инвестиция салуымыз қажет, еуропалықтар біз кездесетін қиындықтарға жауапкершілікпен қарауы тиіс", - деп түйіндеді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
