+7 (777) 001 44 99
Қазақша
Русский
English
Коронавирус инфекциясын жұқтырғаннан кейін оқшауланған Түркия президенті Режеп Тайып Ердоғанның COVID-19-ға тапсырған сынамасы теріс нәтиже көрсетті, - деп хабарлайды Tengrinews.kz тілшісі Reuters агенттігіне сілтеме жасап.
Бұл туралы Түркия көшбасшысының емдеуші дәрігері, профессор Серкан Топалоғлы мәлімдеді.
"Соңғы екі күнде тапсырған ПТР-сынама теріс нәтиже берді", - деді ол.
Дәрігердің айтуынша, мемлекет басшысы ертең жұмысқа оралуы мүмкін.
"Менің ойымша, жақын арада, тіпті ертең президент әдеттегі жұмыс уақытына оралады", - делінген хабарламада.
Ердоғанға коронавирус диагнозы қойылғаны 5 ақпанда белгілі болды. Ол аурудың жеңіл белгілері басталғаннан кейін жұбайымен COVID-19-ға сынама тапсырып, тест оң нәтиже бергенін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
