Түркия премьер-министрі Реджеп Тайып Эрдоған өзі басқаратын әділет және даму партиясының ел аумағында өткен аймақтық және жергілікті сайлауда жеңіске жеткенін мәлім етті, деп хабарлайды, деп хабарлайды РИА Новости.
"Сіздер өз премьер-министрлеріңізді қолдадыңыздар, сол себепті мен сіздерге шексіз алғысымды білдіремін", - деді Эрдоған партияның Анкарадағы штаб-пәтері алдында жиналған партия жақтастары алдында сөйлеген сөзінде. Эрдоған сондай-ақ, саяси қарсыластарының оның беделіне нұсқан келтіргені үшін жауап беретінін де ескертті.
Наурыздың 30-ы күні Түркияда аймақтық және жергілікті сайлау өткен болатын. Соңғы мәліметтер бойынша, Эрдоғанның партиясы ел бойынша 43,18 пайыздық межемен көшбастаған болса, екінші орында 25,89 пайыздық көрсеткішпен оппозиция өкілдерінің Халықтық-республикалық партиясы. Сайлаушылардың 18,01 пайыз дауысын жинаған Ұлттық әрекет ету партиясы үшінші орыннан көрінген. Түркияда өткен сайлау кезінде 8 адам қайтыс болса, әр партия жақтастары арасында болған қақтығыс кезінде 36 адам түрлі дәрежеде дене жарақатын алған.
