+7 (777) 001 44 99
Қазақша
Русский
English
Испанияның Толедо қаласында азаматтық гвардия офицерлері Еуропа тарихындағы ең ірі қарасора плантациясын анықтады, - деп хабарлайды Tengrinews.kz тілшісі LADbible сайтына сілтеме жасап.
Толедодағы Хуерта-де-Вальдекарабанос плантациясының аумағы 120 мың шаршы метр болады, ал бұл 16-дан астам футбол алаңына сай келуі мүмкін. Қарасора өнеркәсіптік мақсатта өсірілген.
Полиция 135 мың марихуана өсімдігін тәркілеген, бұл - Еуропадағы операция кезінде тәркіленген айтарлықтай ірі көлем. Олар жақын маңдағы қоймалардан 30 тонна кептірілген марихуана мен 3720 келі қарасора тапты. Мадридтің бас әуежайында полиция тағы 112 келі марихуана тәркіледі.
"Плантация орналасқан ферма 12 гектар аумақта жатыр және тәулік бойы бақылауда болды. Өндірісті ұлғайту үшін жақын жерде марихуана өсіруге арналған материал қойылған екі қойма бар. Сондай-ақ, жабық күзет жүйесі мен камералары бар кептіру алаңы болды",- деді Испания азаматтық гвардиясының өкілі.
Шенеуніктер қарасораны заңсыз өсірді деген күдікпен үш адам ұсталғанын айтты. Тексеріс Испанияда есірткі заңсыз айналымының ауқымы туралы алаңдаушылық артып келе жатқанын атап өтті.
"Географиялық орналасуына байланысты Испания Мароккодан гашиш, Латын Америкасынан кокаин қабылдайды. Сонымен қатар, марихуананы ірі көлемде өндіреді", - деді азаматтық гвардия полициясы басшыларының бірі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
