+7 (777) 001 44 99
Қазақша
Русский
English
Қазақша
Русский
English
Франция полициясы өлтірілген лаңкес, 32 жастағы Амеди Кулибалидің сыбайласы болуы мүмкін делінген қызды іздеуді жалғастырып жатыр, оған полиция қызметкерін өлтірді және Париждің шетіндегі супермаркетте адамдарды кепілге алды деген күдік түсті, - деп хабарлайды BBC.
Құқық қорғау органдарының мәліметінше, 26 жастағы Хаят Бумеддьен қарулы әрі қауіпті. Оған терроризмге көмектесу бойынша күдік келді. Франция полициясының қызметкерлері суперпаркетке жасалған шабуылда қыздың қаза болғандардың да, жарақат алғандардың да қатарында жоқ екенін айтты.
Еске сала кетейік, 9 қаңтарда Амеди Кулибали екі бірдей Калашников автоматпен Париждегі Венсен қақпасы ауданында супермаркетке баса-көктеп кіріп, оқ атып, адамдарды кепілге алған. Жергілікті уақытпен сағат 17.00 шамасында арнайы қызмет дүкенге шабуыл жасап кірді, қылмыскер оқиға орнында өлтірілді. Жалпы 4 адам қаза тапты, тағы 15-і босатылды.
Ал осының алдына қылмыскер өз талабын айтқан болатын. Ол Charlie Hebdo редакциясына шабуыл жасауға күдікті болған ағайынды Сайд пен Шериф Куашилерді босатуды сұрады. Бұл уақытта ағайындылар Париж түбіндегі баспахана ғимаратында қамалған еді. Франция полициясы оларды дүкендені лаңкеспен бір уақытта көзін жойды.
