+7 (777) 001 44 99
Қазақша
Русский
English
Гаити астанасы Порт-о-Пренс қаласында АҚШ-тан келген 17 христиан миссионері мен олардың отбасы мүшелері ұрланды, - деп хабарлайды Tengrinews.kz тілшісі РИА Новости сайтына сілтеме жасап.
New York Times миссионерлерге балалар үйінен шыққан кезде шабуыл жасалғанын мәлімдеді. Анық-қанығы әлі белгісіз, бірақ басылым адамдарды әуежайға бара жатқан автобустан ұрлап кеткенін хабарлады.
Сондай-ақ, бұл істің артында бір "банда" тұрғанын айтты.
"Гаити бірнеше жыл бойы "саяси дүрбелеңді" бастан кешірді, байларды да, кедейлерді де ұрлау жиі кездеседі", - деп жазды New York Times газеті.
Мақалада америкалықтардың осындай үлкен тобына қатысты болған оқиға шенеуніктерді таңғалдырғаны айтылған.
Кейін АҚШ үкіметі Гаитиде америкалықтар ұрланды деген ақпараттан хабардар екені айтылды.
Haiti24 сенбіде Гаитиде ұрланған христиан миссионерлерінің арасында бір канадалық бар екенін мәлімдеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
