+7 (777) 001 44 99
ПОДЕЛИТЬСЯ
Нью-Йоркте ақ құйрықты маралдан омикрон штамының табылуы ғалымдарды алаңдатты. Олар COVID-19-дың жаңа штамы пайда болуы мүмкін деп қауіптенеді, - деп хабарлайды Tengrinews.kz тілшісі Reuters агенттігіне сілтеме жасап.
Нью-Йоркте ақ құйрықты маралдан омикрон штамының табылуы ғалымдарды алаңдатты. Олар COVID-19-дың жаңа штамы пайда болуы мүмкін деп қауіптенеді, - деп хабарлайды Tengrinews.kz тілшісі Reuters агенттігіне сілтеме жасап.
"Нью-Йорктегі Стейтен-Айлендте ұсталған 131 бұғының мұрнынан алынған қан және басқа да үлгілер олардың 15 пайызында вирусқа антидене бар екенін көрсетті. Зерттеу нәтижелері жануарлар бұрын коронавирус инфекциясын жұқтырғанын және жаңа штамдарды қайта жұқтыруы мүмкін екенін көрсетті", - дейді Пенсильвания мемлекеттік университетінің ғалымдары.
Сарапшылар Құрама Штаттардағы бұл жануарлар коронавирустың жаңа штамын тудыруы мүмкін деп алаңдаушылық білдірді.
©REUTERS
"Жануарлар популяциясында вирустың айналымы әрқашан адамдарға жұқтыру мүмкіндігін арттырады. Одан да маңыздысы, ол вирустың жаңа нұсқаларының дамуына көбірек мүмкіндік береді. Вирус толық мутацияланған кезде вакцинаға бағынбауы мүмкін. Сондықтан біздің жаңа вакцина ойлап табуымызға тура келеді", - деп түсіндірді ветеринарлық микробиолог Суреш Кучипуди.
Омикрон алғаш рет жабайы жануарда табылды. Осыған байланысты АҚШ тұрғындары арасында осы нұсқадан туындаған COVID-19 инфекциясының саны күрт артты.
АҚШ ауыл шаруашылығы департаменті бұған дейін жануарларда, соның ішінде ит, мысық, жолбарыс, арыстан, барыс, горилла мен күзен COVID-19 жұқтырғаны туралы хабарлады. Министрліктің мәліметінше, жануарлардың вирусты адамдарға беретіні туралы ешқандай дәлел жоқ, бірақ инфекцияның көпшілігі COVID-19 бар адаммен тығыз байланыста болғаннан кейін жұққаны анықталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
