Германия Президенті фашистер ашқан соғыс үшін ұялатынын мәлімдеді

©REUTERS

Германия Федеративті Республикасының Президенті Йоахим Гаук нацистік Германияның Кеңес Одағына қарсы жүргізген соғысы туралы ұят сезімімен еске алатынын мәлімдеді. Бұл туралы ол Ресей Президенті Владимир Путинге жазған хатында баяндайды деп хабарлады Tengrinews.kz "РИА Новости" агенттігіне сілтеме жасап. Германия Президентінің баспасөз қызметінің хабарлауынша, Йоахим Гаук ресейлік әріптесі Путинге Ленинградтың қоршаудан шығарылғанына 70 жыл толуына орай хат жазған. Онда "Мен нацистік Германияның Кеңес Одағына қарсы жүргізген жойып жіберу соғысын зор қайғымен және ұят сезімімен еске аламын. Әсіресе, Ленинградтың қоршауда қалуы соғыстың ең сұмдық оқиғасы болды. Мен сізге және сіздің халқыңызға: біз қазаға ортақтасамыз және соғыс салдарынан әлі күнге дейін зардап шегіп келе жатқан тірілермен бірге қайғырамыз дегіміз келеді", - деп жазады Германия Президенті. Айта кетейік, Ленинград блокадасы 1941 жылдың 8 қыркүйегінде басталып, 900 күнге созылды. 1944 жылдың 27 қаңтарында ленинградтық-новгородтық шабуылдау операциясының нәтижесінде батыр қала түгел азат етілді. Бірақ бұған дейін 600 мыңнан астам қала тұрғыны аштық пен індеттен қырылды, бір бөлігі аяздан, артиллериялық қару оғы мен бомбалардың салдарынан өлді. Із-түссіз жоғалып кеткендер де көп болды. "Санкт-Петербург тұрғындарымен бірге мен басын саналы түрде өлімге тіккен талай жазықсыз жанның, көптеген әйелдің, ерлер мен балалардың азабы жайлы еске аламын. Таня Савичеваның күнделігі сияқты жантүршігерлік құжат деректерінен біз қоршауда қалған адамдардың азап шегуі, көз жасы, торығуы, жан төзбес аштық көруі мен тіршілік үшін күресі жайлы білеміз", - дейді Гаук. Германия Президенті дүйсенбіде бундестаг депутаттары Ленинград блокадасы құрбандарын еске алып, тағзым еткенін атап өтті. Жыл сайын қаңтардың 27-сі - Освенцим фашистік концлагерін босату күніне орай неміс парламентінде өтетін "Еске алу сағаты" бұл жолы Лениград блокадасына арналды. Депутаттар алдында қоршаудағы Ленинград азабын көрген ресейлік жазушы Даниил Гранин сөз сөйледі. Шараға Йоахим Гаук пен Германия канцлері Ангела Меркель де қатысты. Айта кетейік, 27 қаңтар - Ресейде Жауынгерлік даңқ күні. Бұл күн кезінде Ленинградтың неміс басқыншыларынан түгел азат етілуіне орай белгіленген.

Германия Федеративті Республикасының Президенті Йоахим Гаук нацистік Германияның Кеңес Одағына қарсы жүргізген соғысы туралы ұят сезімімен еске алатынын мәлімдеді. Бұл туралы ол Ресей Президенті Владимир Путинге жазған хатында баяндайды деп хабарлады Tengrinews.kz "РИА Новости" агенттігіне сілтеме жасап. Германия Президентінің баспасөз қызметінің хабарлауынша, Йоахим Гаук ресейлік әріптесі Путинге Ленинградтың қоршаудан шығарылғанына 70 жыл толуына орай хат жазған. Онда "Мен нацистік Германияның Кеңес Одағына қарсы жүргізген жойып жіберу соғысын зор қайғымен және ұят сезімімен еске аламын. Әсіресе, Ленинградтың қоршауда қалуы соғыстың ең сұмдық оқиғасы болды. Мен сізге және сіздің халқыңызға: біз қазаға ортақтасамыз және соғыс салдарынан әлі күнге дейін зардап шегіп келе жатқан тірілермен бірге қайғырамыз дегіміз келеді", - деп жазады Германия Президенті. Айта кетейік, Ленинград блокадасы 1941 жылдың 8 қыркүйегінде басталып, 900 күнге созылды. 1944 жылдың 27 қаңтарында ленинградтық-новгородтық шабуылдау операциясының нәтижесінде батыр қала түгел азат етілді. Бірақ бұған дейін 600 мыңнан астам қала тұрғыны аштық пен індеттен қырылды, бір бөлігі аяздан, артиллериялық қару оғы мен бомбалардың салдарынан өлді. Із-түссіз жоғалып кеткендер де көп болды. "Санкт-Петербург тұрғындарымен бірге мен басын саналы түрде өлімге тіккен талай жазықсыз жанның, көптеген әйелдің, ерлер мен балалардың азабы жайлы еске аламын. Таня Савичеваның күнделігі сияқты жантүршігерлік құжат деректерінен біз қоршауда қалған адамдардың азап шегуі, көз жасы, торығуы, жан төзбес аштық көруі мен тіршілік үшін күресі жайлы білеміз", - дейді Гаук. Германия Президенті дүйсенбіде бундестаг депутаттары Ленинград блокадасы құрбандарын еске алып, тағзым еткенін атап өтті. Жыл сайын қаңтардың 27-сі - Освенцим фашистік концлагерін босату күніне орай неміс парламентінде өтетін "Еске алу сағаты" бұл жолы Лениград блокадасына арналды. Депутаттар алдында қоршаудағы Ленинград азабын көрген ресейлік жазушы Даниил Гранин сөз сөйледі. Шараға Йоахим Гаук пен Германия канцлері Ангела Меркель де қатысты. Айта кетейік, 27 қаңтар - Ресейде Жауынгерлік даңқ күні. Бұл күн кезінде Ленинградтың неміс басқыншыларынан түгел азат етілуіне орай белгіленген.

Ресей Германия Соғыс