+7 (777) 001 44 99
Қазақша
Русский
English
09 тамыз 2024 16:37
Грекия аралындағы орманды өртеу оқиғасы: капитан кінәні өз мойнына алды
Грекияның Гидра аралында болған өрт оқиғасы үшін толық жауапкершілікті яхта капитаны өз мойнына алды, - деп хабарлайды Tengrinews.kz тілшісі.
ПОДЕЛИТЬСЯ
Грекияның Гидра аралында болған өрт оқиғасы үшін толық жауапкершілікті яхта капитаны өз мойнына алды, - деп хабарлайды Tengrinews.kz тілшісі.
"Қамауға алынған капитан өзінің өтініші бойынша 2 тамызда барлық жауапкершілікті өз мойнына алып, яхтаны жалдаған басқа экипаж мүшелері мен шетелдік мультимиллионерлерді ақтап, қосымша куәлік берді", - делінген басылымда.
Kathimerini басылымының мәліметінше, капитан теңіздегі жартасқа орналастырған және ұшырған 15 отшашуды сатып алғаны туралы куәлік берді. Олардың он төртеуі аралдан алыстап кеткенімен, біреуі қарама-қарсы жолмен жүріп, Аралдың тік беткейлерінің біріне құлап, өрт тудырған.
Бұқаралық ақпарат құралдарының ақпаратына сәйкес, ол басқа экипаж мүшелерінің көмегінсіз немесе жалға алушылардың бұйрығынсыз өз бастамасымен әрекет еткен.
Капитан бұрын дүрбелең жағдайында болғанын, сондықтан бұған дейін оқиғаны басқаша баяндағанын айтты.
Еске салайық, бұған дейін Грекия БАҚ-тары Қазақстаннан келген туристер Грекияның Гидра аралында яхтадан отшашу атып, орман өртіне себеп болғаны туралы хабарлаған болатын.
Қазақстан СІМ біздің Грециядағы консулымыз осы оқиға бойынша жергілікті билікпен байланысқа шыққанын мәлімдеді. Полиция ұсталғандардың арасында Қазақстан азаматтары жоқ екенін және оларға қандай да бір шағым түспегенін жеткізді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
