Илон Маск дүние жүзіндегі ең бай адам атанды

Илон Маск © gettyimages.com

Tesla және SpaceX басшысы Илон Маск дүние жүзіндегі ең бай адам атанды, оның байлығы 188 миллиард доллар деп бағаланды. Осылайша, Маск 2017 жылдан бері бірінші орында келе жатқан Amazon компаниясының негізін қалаушы Джефф Безосты басып озды, - деп хабарлайды Tengrinews.kz тілшісі.

Tesla және SpaceX басшысы Илон Маск дүние жүзіндегі ең бай адам атанды, оның байлығы 188 миллиард доллар деп бағаланды. Осылайша, Маск 2017 жылдан бері бірінші орында келе жатқан Amazon компаниясының негізін қалаушы Джефф Безосты басып озды, - деп хабарлайды Tengrinews.kz тілшісі.

The Verge басылымы Bloomberg Billionaires Index-ке сілтеме жасап, Масктың байлығы 188 миллиард доллар деп бағаланғанын хабарлады.

CNBC мәліметінше, Илон Маск 2020 жылды 27 миллиард доллармен бастап, топ-50-ге әрең іліккен. Бірақ бір жылда Tesla акциялары бес есе өскен. Шілде айында Маск Уоррен Баффеттен озып, миллиардерлер тізімінде жетінші орынға жайғасты. 2021 жылы Tesla сатылымы көбейе түсті: қаңтарда компания бір жылда жарты миллион автокөлік шығарғаны туралы есеп берді.

Айта кетейік, дүние жүзінің ең бай адамдары туралы Forbes пен Bloomberg рейтингі әлі жаңармады - ол тізім бойынша кәсіпкер әлі де екінші орында.

Маск дүние жүзіндегі ең бай адам атанғаны туралы Twitter желісінде білді. Кәсіпкер оған екі жазба арқылы жауап берген. Бастапқыда: "Қызық" деп, артынша: "Жұмысқа кірісейік" деп қысқа қайырған.

.@elonmusk is now the richest person in the world at $190 billion.
— Tesla Owners of Silicon Valley (@teslaownersSV) January 7, 2021

How strange
— Elon Musk (@elonmusk) January 7, 2021

Well, back to work …
— Elon Musk (@elonmusk) January 7, 2021

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Илон Маск кәсіпкер