Илон Маск өз компаниясының акцияларынан құтылып жатыр. Себебі оған бөлінген Tesla акцияларының бірқатар опционы 2022 жылдың басында аяқталады, - деп хабарлайды Tengrinews.kz тілшісі ixbt.com сайтына сілтеме жасап.
9 және 10 қарашада екі күннің ішінде шамамен 4 миллиард долларға Tesla-ның тағы 3,59 миллион акциясы сатылды. Бір апта ішінде Маск 4,5 миллионнан аса акциясын 5,1 миллиардтан аса сомаға сатты.
Топ-менеджер өз акцияларының 10 пайызын сатуды жоспарлап отыр, яғни ол компанияның тағы 8 миллионға жуық бағалы қағазын сатпақ.
Сонымен қатар, Tesla акцияларының құны төмендеп жатыр. Дүйсенбіден бастап Tesla бағалы қағазы 160 долларға - 1185 доллардан 1025 долларға дейін арзандады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!