+7 (777) 001 44 99
Қазақша
Русский
English
SpaceX ғарыш компаниясының Starlink интернет-спутниктері Пуэрто-Рикодағы Кариб теңізі астрономдары қоғамына тиесілі камераға түсіп қалды, - деп хабарлайды Tengrinews.kz тілшісі Space-ке сілтеме жасап.
Бір күн бұрын магниттік дауыл салдарынан компания 49 Starlink интернет-спутнигінің 40-қа жуығын жоғалтқан болатын. Құрылғылар табиғи құбылыс әсерінен істен шыққан.
3 минуттық видеода екі түрлі жарық көрсетілген. Олардың арасы шамамен 1 минут. Нидерландының спутниктерді бақылау жөніндегі маманы Марко Лангбрук бұл бір спутниктің екі бөлігі немесе бір орбиталық жазықтықтағы екі бөлек ғарыш кемесі болуы мүмкін екенін түсіндірді.
"Бір дәлел - орбиталық жазықтық Пуэрто-Рико үстінде және қозғалыс бағыты (SW-NE) сәйкес келеді", - деп жазды Лангбрук видеоны талдай отырып.
Оның айтуынша, құлаған сынықтар Starlink спутниктеріне тиесілі: спутниктердің Пуэрто-Рико үстінен ұшып өту уақыты сынықтардың видеоға түсіп қалған уақытымен сәйкес келді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
