+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Өзін "Instagram королі" санайтын Дэн Билзерян Лас-Вегаста атыс кезінде түсірген видеосымен фанаттарының көңілін қалдырды, - деп хабарлайды The Independent.
Өзін "Instagram королі" санайтын Дэн Билзерян Лас-Вегаста атыс кезінде түсірген видеосымен фанаттарының көңілін қалдырды, - деп хабарлайды The Independent.
Олар танымал миллионердің оқиға орнынан қашып кеткеніне наразылық білдірді.
Видеода ер адам оқиға орнынан қашып бара жатып, жағдайды баяндайды. Оның бұл әрекеті Желі қолданушыларының ашуын келтірді, себебі Билзерян талай рет өзінің батылдығын айтып мақтанудан босамайтын.
Өз кезегінде Билзелян қаруына қарай жүгіргенін айтады. Ол атқышқа жауап қайтармақшы болған. Алайда ол оқиға орнына қайтып келгенде, қылмыскер қаза тапқан.
"Бәрінен менің үйіме ұры түссе мен оны қандай қарумен күтіп алатынымды білмей қалудан қорқамын", - деп жазған еді ол Instagram желісіндегі парақшасында.
Еске салайық, 1 қазанда Лас-Вегастағы музыка фестивалінде атыс шығып, 59 адам қаза тапқан, тағы 500-ден аса адам зардап шеккен. Фестивальде оқиға кезінде 22 мыңдай адам болыпты.
Лас-Вегастағы қырғын АҚШ тарихында адам өлімі ең көп тіркелген оқиға болып отыр. Мұның алдында 2016 жылдың 12 маусымында Орландода болған қырғын қаза тапқан адам саны бойынша ең көбі еді. Сол кезде Pulse гей-клубында 49 адам өлтіріліп, 53-і жарақат алған болатын.
