+7 (777) 001 44 99
Қазақша
Русский
English
Әлеуметтік желіде Әзербайжанның Ирандағы елшілігіне жасалған шабуылдың видеосы пайда болды, - деп хабарлайды Tengrinews.kz тілшісі.
Кадрлардан ғимаратқа екі адам кіргенін көруге болады. Металл іздегіштен өткен соң олардың бірі бұрылып сыртқы есікті ашады да, қайта ішке жүгіріп кіреді.
Артынан қарулы ер адам кіріп, бірден оқ жаудырады. Шабуыл кезінде адамдар қашып, тығылып жатқаны көрінеді.
Шабуылшы бөлмелердің біріне жақындаған кезде қарсы есіктен күзетші жүгіріп шығып, оны тоқтатпақ болады. Бірақ ер адам оқ атуын жалғастырады.
Еске салайық, шабуыл 27 қаңтарда Баку уақыты бойынша таңғы сағат 8:30 шамасында болған. Шабуылшы Калашников автоматынан оқ жаудырып, қауіпсіздік қызметінің басшысы қаза тапты. Елшіліктің екі күзетшісі де жараланған. Қазір оқиға бойынша тергеу амалдары жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
