+7 (777) 001 44 99
Қазақша
Русский
English
10 маусым 2022 | 08:47
Испаниядағы орман өртінен 2000 адам эвакуацияланды
Испанияның оңтүстігіндегі орман өртеніп, Бенахавис қаласынан 2 мың адам эвакуацияланды, - деп хабарлайды Reuters.
ПОДЕЛИТЬСЯ
Испанияның оңтүстігіндегі орман өртеніп, Бенахавис қаласынан 2 мың адам эвакуацияланды, - деп хабарлайды Reuters.
Агенттік мәліметінше, өрт Коста-дель-Соль үстіндегі Сьерра-Бермежадағы Пужерра тауының баурайында басталған. Андалусия орман өрттерін бақылау департаментінің (INFOCA) Twitter желісінде бұған ыстық ауа райы мен қолайсыз жел себеп болғаны жазылды.
Билік тұрғындарды кешке эвакуациялауға кірісті, адамдар Малага провинциясының бес ауданынан шығарылды. Сонымен қатар, төтенше жағдайлар қызметі 7 мың адам тұратын шатырлар тіккен, бірақ эвакуацияланғандардың көбі туыстары мен жергілікті қонақүйлерге орналастырылды.
Оқиға орнында 200-ден аса өртсөндіруші жұмыс істеп жатыр. Сондай-ақ, Коста-дель-Соль аймағындағы басқа қалалардан 100 әскери қызметкер мен 50 өртсөндіруші жұмылдырылды. Жалынмен күресу барысында үш өртсөндіруші зардап шекті, олардың бірі ауыр күйікпен Малага ауруханасына жеткізілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
