Италия 3 миллионға жуық адамның құқығын бұзды деп айыпталды

Фото:depositphotos.com / Фото автора stefano79.libero.it

Адам құқықтары жөніндегі еуропалық сот Италия Неаполь төңірегіндегі улы қалдықтармен ластанған аймақта тұратын 3 миллионға жуық азаматтың құқығын бұзды деп шешті, - деп хабарлайды Tengrinews.kz тілшісі Euronews-ке сілтеме жасап.

Адам құқықтары жөніндегі еуропалық сот Италия Неаполь төңірегіндегі улы қалдықтармен ластанған аймақта тұратын 3 миллионға жуық азаматтың құқығын бұзды деп шешті, - деп хабарлайды Tengrinews.kz тілшісі Euronews-ке сілтеме жасап.

Телеарна мәліметінше, Италия билігіне заңсыз қоқыс үйінділерімен байланысты мәселені шешу үшін екі жыл уақыт берілген.

Италья билігінің айтуынша, ластанудың бір бөлігі мафиоздық "Каморра" тобына қатысы бар көпмиллиардтық қалдықтарды жою келісімдерімен байланысты.

"Еуропалық сот әділдігі бұл мәселенің жылдар бойы шешілмей келе жатқанын, ал қоқыс үйінділері жерасты суларын улап, адамдардың денсаулығына зиян келтіретінін атап өтті", – делінген хабарламада.

Аталған істі Еуропалық Адам құқықтары сотына 41 италиялық азаматтан құралған топ бес аймақтық ұйымның қолдауымен жолдаған.

Бұл – Италияның улы қалдықтар мәселесін шеше алмауына байланысты Еуропалық сот тарапынан айыпталған алғашқы жағдай емес. 2014 жылы ел 40 миллион еуро көлемінде айыппұл төлеген болатын, ол кезде бұл ЕО мүшесіне салынған ең ірі айыппұлдардың бірі болды.