+7 (777) 001 44 99
Қазақша
Русский
English
Қазақша
Русский
English
Бүгін Жерорта теңізінде 17 адам отырған яхтаның өртенгені хабарланды. Оның сегізі қазақстандық турист болған. Tengrinews.kz тілшісі Италияда өртенген яхта туралы мәлімет жинап көрді.
Ұзындығы 47,5 метр Lady MM яхтасын 2003 жылы ISA Yachts компаниясы шығарған және соңғы рет 2013 жылы қайта жаңартылған екен. Интерьерін Джанет Леро, ал сыртқы дизайнын архитектор Вальтер Франкини әзірлеген. Lady MM яхтасының 5 түрлі каютасы (мастер-люкс, VIP-каюта және үш екі орындық каюта) бар және соған 10 қонақ пен экипаждың 9 мүшесі сыюы мүмкін.
"Тозақтан 17 адам құтқарылды". Италияда өртенген яхта туралы БАҚ не жазды?
perfectyachtcharter.com
Кемеде 5 бөлме бар, онда 10-ға жуық қонақ сыяды.
Жатын бөлмесі (баскаюта) / perfectyachtcharter.com
Жуынатын бөлме/ perfectyachtcharter.com
Қонақ бөлмесі / perfectyachtcharter.com
Палубада джакузи бар, ал кабиналарда кондиционерлер бар, сондай-ақ, бүкіл яхтада интернет қосылған. Оған қоса, кемеде жеке жаттығу залы бар екені айтылады.
Спа-бассейн / perfectyachtcharter.com
skylounge/ perfectyachtcharter.com
Бұрын бұл яхта 360 деп аталған екен. Boat International порталының мәліметінше, ол 2017 жылы сатылған. Бұрынғы иесі бұл яхта үшін 8,5 миллион еуро сұраған.
Vesselfinder.com сайтындағы мәліметтерге қарағанда, кеме маусым айында Монако мен Гольф-Жуанға (Канн маңындағы жер, Франция) барған. Ал тамыз айында яхта Сардинияның солтүстігіндегі Порто-Черво курортына баратын болған.
vesselfinder.com
Дәл қазірLady MM яхтасының өрт басталған кезде Капри аралынан Сардиния аралына бет алғаны ғана белгілі.
БАҚ мәліметінше, бортта 17 адам болған, оның ішінде қазақстандық сегіз турист және тоғыз экипаж мүшесі болған. Олардың барлығы яхтадан өздігінен шыға алған. Жағалаудың күзеті келгенде олар кішкентай қайықта болған. Күзеттегілер оларды сол жақтан эвакуациялаған.
Өрттің себептері туралы әзірге ақпарат жоқ.
Еске салайық, мұның алдында Италияда қазақстандықтар отырған яхтаның өртенгені туралы хабарланған болатын. Өрт басталғанда 50 метр Lady MM қайығы Капри аралынан Сардиния аралына қарай бағыт алғаны хабарланды. Жағалау күзеті түсірген видеодан қайық қара түтіннің астында қалып, суға батып жатқанын көруге болады.
Қазақстан жаңалықтары. Соңғы жаңалықтар. Telegram желісінде бізге жазыл!
