+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жапонияның Жоғарғы соты қаулы шығарып, Жоғарғы соттың 2015 жылғы шешімін өз күшінде қалдырды. Оған сәйкес, ерлі-зайыптылар бір текті алады, - деп хабарлайды Tengrinews.kz тілшісі Kyodo News+ басылымына сілтеме жасап.
Жапонияның Жоғарғы соты қаулы шығарып, Жоғарғы соттың 2015 жылғы шешімін өз күшінде қалдырды. Оған сәйкес, ерлі-зайыптылар бір текті алады, - деп хабарлайды Tengrinews.kz тілшісі Kyodo News+ басылымына сілтеме жасап.
Шешімді Жоғарғы Сотта 15 судьядан тұратын сот отырысында төрағалық етуші судья Наото Отани шығарды. Қаулыда Азаматтық кодекстің және Отбасын тіркеу туралы заңның ерлі-зайыптылардың бір текті қолдануын талап етуі конституциялық талап болып табылады деп көрсетілген.
Айта кетейік, Жоғарғы сот мұндай үкімді алты жыл бұрын шығарған, бірақ оған токиолық үш отбасы наразылық білдіріп, Конституцияда бекітілген құқыққа сәйкес, олардың теңдік құқықтары бұзылды деп мәлімдеген. Олар бұл ереженің неке тұжырымдамасы туралы ескірген дәстүрлі көзқарасқа жеке адамдар емес, бүкіл отбасылар қатысатын келісім ретінде жауап беретінін атап өткен.
Ерлі-зайыптыларды бір текті алуға міндеттейтін заң 1889 жылы қабылданған. Екінші дүниежүзілік соғыстан кейін билік кез келген жұбайдың фамилиясын таңдауға рұқсат берген, бірақ ерлердің 4 пайызы ғана әйелінің тегін алады.
Қоғам белсенділерінің пікірінше, бұл шара әйелдерге қатысты дискриминациялық сипатқа ие және қазіргі заманғы шындыққа сәйкес келмейді. Үкімет мәліметтеріне сәйкес, 2015 жылғы жағдай бойынша, Жапониядағы ерлі-зайыптылардың 96 пайызы ер адамның фамилиясын алған.
Әділет министрлігінің мәліметі бойынша, Жапония әлем бойынша ерлі-зайыптыларды бір текті алуға міндеттейтін заңы бар жалғыз мемлекет. БҰҰ-ның әйелдерге қатысты дискриминацияны жою жөніндегі комитеті Жапонияға осы жүйені өзгертуді бірнеше рет ұсынған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
