+7 (777) 001 44 99
ПОДЕЛИТЬСЯ
Malaysia Airlines компаниясының жоғалған ұшағына ұрланған төлқұжаттармен билет алған екі жолаушы - Ираннан шыққан заңсыз иммигранттар, бұл туралы The Telegraph жазады деп хабарлайды Tengrinews.kz. Daily Telegraph сілтеме жасаған BBC Persia Куала-Лумпурде тұратын ирандықтан сұхбат алған, ол әлгі жолаушылардың бірімен дос екенін айтып отыр. Оның мәліметінше, ирандықтар мұның үйінде қонақта болған, олар Бейжің арқылы Амстердамға бармақшы екен. Ұрланған төлқұжаттарды ирандықтар Еуропаға бару үшін әлдекімнен сатып алған. Бұған дейін Malaysia Airlines-тің жоғалған ұшағына қатысты оқиғада Әли есімді ирандық кәсіпкердің есімі аталған еді. Паттайядағы турагенттік қызметкерінің ақпаратына қарағанда, ол MH370 рейсіне екі билетке тапсырыс берген. Ұрланған төлқұжаттармен ұшаққа отырған екі жолаушыда дәл осы билеттер болған. Жоғалған ұшақ бортында ұрланған төлқұжаттармен билет алған жолаушылардың болуы туралы ақпарат бұл оқиғаның әуе апаты емес, жоспарланған террорлық акт екеніне басты дәйек ретінде айтылып отыр. Лайнерді іздеу осымен үшінші тәулікке жалғасуда. Іздеу-құтқару операциясына бірнеше елден ондаған кеме, ұшақ пен тікұшақ қатысып жатқанына қарамастан, "Боингтің" ізі байқалар емес. Бұдан бұрын теңізден майлы дақтар мен әлдеқандай "сары заттың" табылғаны хабарланған еді, дегенмен кейін олардың жоғалған ұшаққа қатысы болмай шықты. Малайзия Азаматтық авиациясының басшысы Ажаруддин Абдул Рахман ұшақтың жоғалуын "бұрын-соңды болмаған авиациялық жұмбақ" деп бағалады. Ол лайнерді террористердің айдап әкетуі мүмкін деген болжамды жоққа шығармайды. Айта кетейік, бұл рейске жалған құжаттармен барлығы төрт адам билет алған болса, бес адам түрлі себеппен ұшаққа отырмаған. Еске салайық, Malaysia Airlines-тің жолаушылар ұшағы Куала-Лумпурден Бейжіңге ұшуы тиіс еді. Ол 8 наурызға қараған түні радар экрандарынан ізім-ғайым болды. Кейін лайнер бортында 239 адамның болғаны анықталды. Ұшақ Оңтүстік Қытай теңізінің үстінен Вьетнам жағалауына таяған кезде онымен байланыс үзілген.
Malaysia Airlines компаниясының жоғалған ұшағына ұрланған төлқұжаттармен билет алған екі жолаушы - Ираннан шыққан заңсыз иммигранттар, бұл туралы The Telegraph жазады деп хабарлайды Tengrinews.kz.
Daily Telegraph сілтеме жасаған BBC Persia Куала-Лумпурде тұратын ирандықтан сұхбат алған, ол әлгі жолаушылардың бірімен дос екенін айтып отыр. Оның мәліметінше, ирандықтар мұның үйінде қонақта болған, олар Бейжің арқылы Амстердамға бармақшы екен. Ұрланған төлқұжаттарды ирандықтар Еуропаға бару үшін әлдекімнен сатып алған.
Бұған дейін Malaysia Airlines-тің жоғалған ұшағына қатысты оқиғада Әли есімді ирандық кәсіпкердің есімі аталған еді. Паттайядағы турагенттік қызметкерінің ақпаратына қарағанда, ол MH370 рейсіне екі билетке тапсырыс берген. Ұрланған төлқұжаттармен ұшаққа отырған екі жолаушыда дәл осы билеттер болған.
Жоғалған ұшақ бортында ұрланған төлқұжаттармен билет алған жолаушылардың болуы туралы ақпарат бұл оқиғаның әуе апаты емес, жоспарланған террорлық акт екеніне басты дәйек ретінде айтылып отыр. Лайнерді іздеу осымен үшінші тәулікке жалғасуда. Іздеу-құтқару операциясына бірнеше елден ондаған кеме, ұшақ пен тікұшақ қатысып жатқанына қарамастан, "Боингтің" ізі байқалар емес. Бұдан бұрын теңізден майлы дақтар мен әлдеқандай "сары заттың" табылғаны хабарланған еді, дегенмен кейін олардың жоғалған ұшаққа қатысы болмай шықты.
Малайзия Азаматтық авиациясының басшысы Ажаруддин Абдул Рахман ұшақтың жоғалуын "бұрын-соңды болмаған авиациялық жұмбақ" деп бағалады. Ол лайнерді террористердің айдап әкетуі мүмкін деген болжамды жоққа шығармайды. Айта кетейік, бұл рейске жалған құжаттармен барлығы төрт адам билет алған болса, бес адам түрлі себеппен ұшаққа отырмаған.
Еске салайық, Malaysia Airlines-тің жолаушылар ұшағы Куала-Лумпурден Бейжіңге ұшуы тиіс еді. Ол 8 наурызға қараған түні радар экрандарынан ізім-ғайым болды. Кейін лайнер бортында 239 адамның болғаны анықталды. Ұшақ Оңтүстік Қытай теңізінің үстінен Вьетнам жағалауына таяған кезде онымен байланыс үзілген.
