1. Басты
  2. Біл
  3. Жаңалықтар
  4. Жаһан

Калифорнияда жаппай атыс: Полицейлер қылмыскерді өлтірді29 шілде 2019, 13:24

Калифорнияда жаппай атыс салдарынан төрт адам қаза тапты, 15 адам әр түрлі дене жарақатын алды, - деп хабарлайды РИА Новости.

"Кемінде 15 адам зардап шекті, төртеуі қаза тапты, оның ішінде күдікті де бар", - деді полиция басшысы Скот Смити баспасөз конференциясында. 

Видеоны психикасы әлсіз адамдарға, сондай-ақ жүкті әйелдерге және 18 жасқа толмаған адамдарға көруге ұсынылмайды.

Атыс туралы бірінші хабар жергілікті уақыт бойынша 17:41-де түскен, бір минуттан соң полиция оқиға орнына жеткен. 

"Біздің ойымызша атқыш фестивальге кіру үшін қоршаудан секіріп өткен", - деді полиция басшысы.

Куәгерлердің айтуынша, атқыштар екеу болған. Полиция осы мәліметті тексеріп жатыр.

Осыған дейін, Калифорния штатының батысында ірі тамақ фестивалі кезінде атыс болғаны айтылды. Гилрой қаласындағы болған жағдайға қатысты АҚШ Президенті Дональд Трамп тұрғындардың абай болуын сұраған.