Канада премьер-министрі елдегі жаппай наразылыққа қатысты пікір білдірді

Жансая Қадыржанова Корреспондент

Фото ©REUTERS

Канада премьер-министрі Джастин Трюдо наразылық кезінде отбасымен резиденциясынан кетіп қалды, - деп хабарлайды Tengrinews.kz тілшісі CBC телеарнасына сілтеме жасап.

Канада премьер-министрі Джастин Трюдо наразылық кезінде отбасымен резиденциясынан кетіп қалды, - деп хабарлайды Tengrinews.kz тілшісі CBC телеарнасына сілтеме жасап.

Оттавада 23 қаңтарда басталған жүк көлігі жүргізушілерінің үкіметке қарсы шеруі жалғасып жатыр. Үкімет АҚШ-пен шекарадан өту үшін вакцина алуға міндеттеген мыңдаған жүк көлігі жүргізушісі Үкіметтің коронавирусқа қарсы шараларына келіспейтінін білдіру үшін парламент ғимараты алдына жиналды.

©REUTERS

Канаданың оңтүстігіндегі Куттс ауылы мен АҚШ-тың Монтана штаты шекараласатын өткелге апаратын тасжол бөлігінде жеңіл көліктер, жүк көліктері, тракторлар және басқа да көліктер колоннасы сап түзегені белгілі болды. Өткелді жауып тастаған жүргізушілер бірнеше күн бойы наразылық білдіріп, кейін Канаданың қауіпсіздік күштері аймаққа жіберіліп шара қолдануға мәжбүр болды.

©REUTERS

I want to be very clear: We’re not intimidated by those who hurl abuse at small business workers and steal food from the homeless. We won’t give in to those who fly racist flags. And we won’t cave to those who engage in vandalism, or dishonour the memory of our veterans.
— Justin Trudeau (@JustinTrudeau) January 31, 2022

Кейінірек премьер-министрдің саясатына және биліктің COVID-19-ға қарсы шараларына көңілі толмайтындар жүк көлік жүргізушілеріне қосылды. Кейбір наразылық білдірушілердің плакаттарында "Трюдо кетуі керек!" деп жазылған.

Телеарна мәліметінше, жаппай наразылық кезінде Канаданың премьер-министрі Джастин Трюдо коронавирус жұқтырғанын мәлімдеді, сонымен қатар, қауіпсіздік мақсатында Оттавадағы резиденциясын тастап отбасымен бірге кетіп қалған. Бұған дейін Трюдо шерушілерді "маргиналды азшылық" деп атап, шектеулерді жеңілдетуден бас тартты.

"Мен бұл індеттің көңілімізді түсіретіндігін білемін. Екі жыл өтсе де әлі COVID-19-бен күресіп келе жатқанымыз қатты қынжылтады. Бірақ соңғы бірнеше күнде канадалықтар наразылық білдірген адамдардың мінез-құлқына таңғалды, шынын айтқанда, оларға ашуланды. Канадада мұндай әрекетке орын жоқ. Сондықтан жауаптыларға айтарым: мұны тоқтату керек", - деп жазды премьер-министр Twitter-парақшасында.

Жақында елордаға тағы да жүк көліктері келуі мүмкін. Канаданың парламенттік қауіпсіздігі депутаттарға әзірге үйде болуға кеңес берді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!