+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Каталония тәуелсіздігі үшін Референдумға қатысқан сайлаушылар мен полиция арасында қақтығыс салдарынан зардап шеккендер саны 894-ке жетті. Бұл туралы елдің Денсаулық сақтау министрлігі хабарлады.
Каталония тәуелсіздігі үшін Референдумға қатысқан сайлаушылар мен полиция арасында қақтығыс салдарынан зардап шеккендер саны 894-ке жетті. Бұл туралы елдің Денсаулық сақтау министрлігі хабарлады.
Референдумға қатысқан сайлаушылардың 90 пайызы Каталонияның Испаниядан бөлінуін қолдады. Мадрид бұл сайлауды заңсыз деп таныды. Полиция 2 315 учаскенің көп бөлігін бақылауға алған. Ал кейбір учаскелерде құжаттар алынып, полициямен сайлауға келген адамдар арасында қақтығыс болған.
Каталония үкіметінің басшысы Карлес Пучдемон референдум қорытындысын "таңғажайып" деп, Еуроодақты испаниялық полицейлердің адам құқығын аяққа таптауына бейжәй қарамауын сұрады.
Каталония үкіметі Испания орталық билігін полиция мен Ұлттық гвардияның әрекетін заңсыз деп, сонымен қатар рәзіңке оқтар мен көзден жас ағызатын газды қолданғаны үшін айыптады.
Басылымның мәліметінше, сайлауға өңірдегі 5,34 миллион тұрғынның 2,26 миллионы қатысқан.
Осыған дейін Каталония басшысы Карлес Пучдемон референдум өткізілген соң Каталонияның Испанияға тәуелді емес екенін және осылайша, каталондықтардың тәуелсіздікке жеткенін мәлімдеген еді.
"Сондықтан жақын арада референдум нәтижесі референдум жайлы заңға сәйкес шешім шығару Каталония парламентіне жолданады", - деді ол.
Еске сала кетейік, Каталонияда 1 қазанда референдум жүргізіліп, сайлау өткен еді. Бірақ Каталония тәуелсіздігі үшін өтіп жатқан референдум кезінде полициямен қақтығыс салдарынан 38 адам жараланды.
