Каталонияның бұрынғы басшысы Карлес Пучдемон Италияның Сардиния аралында қамауға алынды. Ол төрт жыл бойы қашып жүрген, - деп хабарлайды Tengrinews.kz тілшісі Deutsche Welle басылымына сілтеме жасап.
Оның адвокаты Гонсало Бойе саясаткер ұсталғанын Twitter-парақшасында растады.
"Президент Пучдемон Еуропалық Парламент депутаты ретінде Сардинияға келген кезінде тұтқындалды".
El President Puigdemont ha sido detenido a su llegada a Cerdeña donde acudía como eurodiputado; esta detención es en función de la euroorden de 14 de octubre de 2019 que, por imperativo legal -según establece el Estatuto del TJUE, se encuentra suspendida.
— Gonzalo Boye (@boye_g) September 23, 2021
Сонымен қатар, Бойе қамауға алу туралы бұйрықт 2019 жылдың 14 қазанында шыққанын айтты.
"Ертең (24 қыркүйек) ол Сассари апелляциялық соты судьялары алдына шығады, олар оны босату немесе экстрадициялау туралы шешім қабылдайды", - деді штаб басшысы Хосеп Ллуис Алай.
Бұрынғы мемлекет басшысы тұтқындалғаннан кейін Испания үкіметі "Италия билігі мен сот шешімдерін құрметтейтінін" білдірді.
"Пучдемонның тұтқындалуы сот алдында жауап беруі тиіс ЕО-ның кез келген азаматына қатысты сот тәртібіне сәйкес келеді", - делінген Испания үкіметі хабарламасында.
Мәлімдемеде Пуждемон "кез келген азамат сияқты әділеттілікке бағынуы тиіс" делінген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
