Қазақстан дипмиссиясының басшысы Бейруттағы қызметкерлердің жағдайы туралы айтты

Қазақстанның Ливандағы дипломатиялық миссиясының басшысы Ержан Қалекенов Бейруттағы жарылыстан кейін әріптестерінің жағдайы туралы айтты, - деп хабарлайды Tengrinews.kz тілшісі.

"Бәрі дұрыс. Консул дін-аман. Ешкім жарақат алған жоқ, дипломаттардың отбасы мүшелері де аман-есен. Бәрінің дені сау, аман. Қазбаттағылардың да (Ливандағы бітімгерлік батальон) жағдайы жақсы", - деді Ержан Қалекенов.

Еске салайық, Бейрутта 4 тамызда кешке жойқын жарылыс болып, Ливан астанасындағы ғимараттардың жартысы зардап шекті. Соңғы мәліметтерге қарағанда, 78 адам қайтыс болған. Ливанның премьер-министрі Хассан Диябтың айтуынша, жарылысқа алты жыл бойы 2750 тонна аммиак селитрасының дұрыс сақталмауы себеп болған. Жарылыс кезінде Қазақстан консулы зардап шекті. 

Қазақстан Президенті Қасым-Жомарт Тоқаев Бейруттағы жарылыстан кейін тапсырма берді.

Қазақстан жаңалықтары. Соңғы жаңалықтар. Telegram желісінде бізге жазыл!