+7 (777) 001 44 99
Қазақша
Русский
English
Қазақша
Русский
English
Конгодағы Танганьика көлінде жолаушылар қайығы апатқа ұшырап, 130-ға жуық адам қаза тапты, - деп хабарлайды РИА Новости француз бұқаралық ақпарат құралдарына сілтеме жасап.
Конго демократиялық республикасы ресми билігі өкілдерінің мәліметінше, қайғылы оқиға жұмаға қараған түні болды. Жергілікті көлік министрлігінің өкілі Сумба Кахози Лоуренс жексенбі күні "Құтқарушылар су астынан барлығы 129 адамның денесін алып шықты", - деп мәлімдеді.
Қайық Калемие қаласынан елдің шығысындағы Увира қаласына бағыт алған. Алдын ала мәлімет бойынша, көлікке шамадан тыс жүктің тиелуіне байланысты ол көл түбіне батып кеткен. Су көлігінде барлығы 150-ге жуық адам болды. Қаза тапқандардың саны әлі де нақтыланатын болады.
Конгода су көліктерінің апаты жиі болады. Наурыз айында елдегі Альберт көлінде кеме батып кетіп, 251 адам құрбан болған еді.
