Кремль Чубайстың ауруханаға түсуіне қатысты пікір білдірді

Дина Шарипханова Корреспондент

Фото: Екатерина Варзарь/snob.ru

Ресей президентінің баспасөз хатшысы Дмитрий Песков Анатолий Чубайстың ауруханаға жатқызылғаны туралы ақпаратты қайғылы жаңалық деп атап, экс-саясаткер Ресей билігінен көмек сұрамағанын айтты, - деп хабарлайды Tengrinews.kz тілшісі РИА Новостиге сілтеме жасап.

Ресей президентінің баспасөз хатшысы Дмитрий Песков Анатолий Чубайстың ауруханаға жатқызылғаны туралы ақпаратты қайғылы жаңалық деп атап, экс-саясаткер Ресей билігінен көмек сұрамағанын айтты, - деп хабарлайды Tengrinews.kz тілшісі РИА Новостиге сілтеме жасап.

"Көмек сұрағаны туралы өтініштер болды ма білмеймін. Әрине, бұл қайғылы жаңалық, тезірек сауығып кетуін тілейміз. Бірақ бұл ретте бізде егжей-тегжейлі мәлімет жоқ", - деді Песков.

Ол Чубайс Ресей билігінен көмек сұраса, олар кез келген азамат сияқты оны да қолдауға тырысатынын атап өтті.

"Әрине, ол Ресей азаматы, біз мүмкіндігінше барлық Ресей азаматына көмектесуге тырысамыз", - деп қосты баспасөз хатшысы.

Ксения Собчактың айтуынша, "Роснано" компаниясының бұрынғы бас директоры Гийен-Барре синдромымен Еуропадағы ауруханалардың біріне түскен. Ол саясаткердің қолы мен аяғы жансызданып қалғанын жазды.

Corriere della мәліметінше, Анатолий Чубайс Коста-Смеральда жағажайында демалып жатқанда өзін нашар сезінген, қазір оның жағдайы ауыр.

Гийен-Барре синдромы - адамның иммундық жүйесі өзінің периферия жүйкесіне әсер ететін ауру.

Сілтемесіз жаңалық оқисыз ба? Онда Telegram желісінде парақшамызға тіркеліңіз!