+7 (777) 001 44 99
Қазақша
Русский
English
Ресей екі кішкентай қыз күннің ыстығында аулада тұрған көлікте қайтыс болды. Оқиға Ресейдің Ростов облысының Каменский ауданында болған. Тергеушілер қылмыстық іс қозғады, - деп хабарлайды РИА Новости.
Тергеу мәліметінше, сенбі күні 2017 және 2019 жылы туған екі қыз аулада ойнап жүріп, бір кезде жақын жерде тұрған көлікке отырған. Анасы оларды таба алмай, полицияға хабарласқан. Артынша екі қыз көліктен табылған, екеуі оқиға орнында қайтыс болған.
"Алдын ала мәлімет бойынша, олардың қайтыс болуына жоғары температура себеп болған", - дейді тергеу комитетінің өкілі.
Оның айтуынша, сот-медициналық сараптама тағайындалған.
Айта кетейік, маусымның ортасынан бері Ростов облысында күн ыси бастаған. Сенбіде құтқарушылар дауылды ескерту жариялаған. Олардың мәліметінше, облыстың оңтүстік және шығыс аймағында ауа температурасы 40 градусқа дейін жетеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
