Қырғызстан Қазақстаннан жұмыртқа мен құс етін кіргізуге шектеу қойды

Қырғызстан Қазақстанның Алматы және Солтүстік Қазақстан облыстарының құс еті мен жұмыртқасын кіргізуге уақытша тыйым салды. Құжатты Қырғызстанның ветеринариялық және фитосанитариялық қауіпсіздік мемлекеттік инспекциясы шығарды, - деп хабарлайды Tengrinews.kz тілшісі 24.kg басылымына сілтеме жасап.

Қырғызстан Қазақстанның Алматы және Солтүстік Қазақстан облыстарының құс еті мен жұмыртқасын кіргізуге уақытша тыйым салды. Құжатты Қырғызстанның ветеринариялық және фитосанитариялық қауіпсіздік мемлекеттік инспекциясы шығарды, - деп хабарлайды Tengrinews.kz тілшісі 24.kg басылымына сілтеме жасап.

Жалғасы

■

АШМ өкілдері Қырғызстанның Қазақстаннан жұмыртқа мен құс етін кіргізуге шектеу қоюына қатысты пікір білдірді

10 қазан 2018, 12:10

■

Қазақстан Қырғызстаннан ет өнімдерін кіргізуге тыйым салды

12 қазан 2018, 15:30

Шектеу құс тұмауы мен Ньюкасл дертіне байланысты эпизоотиялық жағдай анықталғанша сақталады. Алматы және Солтүстік Қазақстан облыстарынан тірі құсты, инкубациялық жұмыртқаны, зообақ және цирк жануарларын апаруға тыйым салынған.

Құжатқа сәйкес, тыйым салынғандар арасында құс еті, жұмыртқа ұнтағы, тоңазытылып араластырылған жұмыртқаның ақуызы мен саруызы, альбумин және жұмыртқамен жасалған өзге де азық-түлік бар. Жем, құстарға арналған қоспалар, мамық, құстың жүнін және аңшылық олжаны ол елге апаруға болмайды.

Сонымен қатар, АШМ Ветеринариялық бақылау комитеті Ресейден тірі құс, олардан жасалған азық-түлік пен құстарға арналған жемді кіргізуге қойған шектеуінің мерзімін ұзартты. Бұл шешім Ростов облысындағы құс фабрикасында биыл қазанда құс тұмауының шығуына байланысты қабылданған.

Құстар Қырғызстан соңғы жаңалықтар Ресей азық-түлік ет