+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Орта Азиядағы ең ірі базар Қырғызстандағы "Дордой" қоршауға алынды. Милиция ол жерден қашқын экстремистерді іздеп жатыр, - деп хабарлайды Tengrinews.kz тілшісі.
Орта Азиядағы ең ірі базар Қырғызстандағы "Дордой" қоршауға алынды. Милиция ол жерден қашқын экстремистерді іздеп жатыр, - деп хабарлайды Tengrinews.kz тілшісі.
Қырғызстан ІІМ баспасөз қызметіндегілердің айтуынша, милицияға қашқындарды көрдім деп қоңырау шалатындар көбейген. Әсіресе қашқын экстремистер туралы мәлімет бергендерге сыйақы жарияланғалы бері қоңырау шалушылардың қатары еселеп артқан. Құқық қорғау органдары барлық қоңырауды тексеріп жатыр. "Дордой" базары да хабар келіп түскеннен кейін қоршауға алынды. Ол шаралар қоғамдық қауіпсіздікті сақтау мақсатында жасалған. Күн сайын ол базарға ондаған мың адам келеді.
Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Іздеудегілер экстремизм мен терроризм үшін қылмыстық жауапкершілікке тартылғандар. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілдері болған.
Бұған дейін Қырғызстан милициясының аудандық бөліміне бір адам хабарласып, ботаникалық бақта іздеуде жүргендерге ұқсас бір ер адамның жүргенін хабарлаған. Милиция сол төңіректі тексере бастады. Нәтижесінде ботаникалық бақтың аумағынан жылы киімдер, көрпе мен шәйі бар термос табылды. Алайда қашқындар ол жерден табылған жоқ.
