+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қырғызстанда жол апатынан аман қалған 4 жасар қызды атасы мен әжесі қамқорлығына алатын болды, - деп хабарлайды Tengrinews.kz тілшісі Тоқмақ ауруханасының бас дәрігері Бақтыгүл Исаеваға сілтеме жасап.
Қырғызстанда жол апатынан аман қалған 4 жасар қызды атасы мен әжесі қамқорлығына алатын болды, - деп хабарлайды Tengrinews.kz тілшісі Тоқмақ ауруханасының бас дәрігері Бақтыгүл Исаеваға сілтеме жасап.
Қайғылы оқиға 19 желтоқсанда Бішкек - Нарын - Торугарт тасжолында болған. Volkswagen Vento және KIA K5 көліктерінің соқтығысуы салдарынан 8 адам қаза тапқан. Оның ішінде аман қалған қыздың ата-анасы да бар.
"Қыз ауыр жарақат алмаған. Оған басы шайқалды деген диагноз қойылды. Жағдайы тұрақты. Бүгін оған ауруханаға туыстары келді. Олар баланы атасы мен әжесі асырап алатынын айтты", - дейді Бақтыгүл Исаева.
Сонымен қатар, 4 жасар қыз Бішкектегі медициналық мекеменің бірінде тексерістен өтеді.
"Баланың жағдайы тұрақты болғандықтан оны ауруханадан шығаруға болады. Алайда қыздың туыстары баланы Акушерлік және педиатрия ғылыми-зерттеу институтында қосымша тексерістен өткізгісі келетінін айтты. Әрине, біз бұл шешімді қолдадық", - деді Тоқмақ ауруханасының бас дәрігері.
Еске салайық, алдын ала ақпарат бойынша Volkswagen Vento жолдың қарсы бетіне шығып, KIA K5 көлігіне соғылған. Салдарынан 8 адам қаза тапқан.
Аман қалған қыз ата-анасымен бірге тойдан келе жатқан.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
