+7 (777) 001 44 99
ПОДЕЛИТЬСЯ
Қырғыстан ЕАЭО-ға кіргеннен бері жанар-жағармай материалдарын Қазақстаннан заңсыз әкелу көбейді. Осының салдарынан мұнай өнімдерінің нарықтағы ресми тапсырысы бәсекелестікке қабілетсіз болып отыр. Бұл туралы Қырғызстан Мұнай трейдері ассоциациясы мәлімдеді, - де хабарлайды Tengrinews.kz тілшісі.
Қырғыстан ЕАЭО-ға кіргеннен бері жанар-жағармай материалдарын Қазақстаннан заңсыз әкелу көбейді. Осының салдарынан мұнай өнімдерінің нарықтағы ресми тапсырысы бәсекелестікке қабілетсіз болып отыр. Бұл туралы Қырғызстан Мұнай трейдері ассоциациясы мәлімдеді, - де хабарлайды Tengrinews.kz тілшісі.
Жанар-жағармай материалдарын заңсыз тасымалдауға шекараның ашылуы, сонымен қатар тамыз айының соңында болған теңгенің құнсыздануы себеп болып отыр. "Қазақстанда мұнай өнімдері арзандады. Сондықтан да Қырғызстанға жанар-жағармай материалдарын заңсыз әкелу көбейді. Бұл ресми импорттың көлемі мен мемлекеттік бюджетке төлемнің азаюына әкеледі. Нарықтағы адал кәсіпкерлер заңсыз жеткізушілермен бәсекелес бола алмайды", - деп жазылған Қырғызстан Мұнай трейдері ассоциациясының хабарламасында.
Ассоциация мәліметінше, контрабанда Қырғызстанға ресми жеткізілетін мұнай өнімдерінің үштен біріне жетуі мүмкін. Жыл сайын елге шамамен миллион тонна жанар-жағармай материалдары қажет. 2015 жылдың басынан бері Қырғызстанға 724 мың тонна жанар-жағармай материалдары импортталды.
