+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қырғызстан прокуратурасы елдің Денсаулық сақтау министрлігі қорғаныш құралдарын сатып алу кезінде алаяқтық жасады деген күдікке ілді. Қырғызстандық ДСМ пандемия кезінде бахилаларды 1,5 сомға (шамамен 7,5 теңгеден) алудың орнына 150 сомнан (шамамен 750 теңге) алған, яғни 100 есе қымбат. Бұл туралы Бас прокуратура жүргізген тексеріс кезінде белгілі болды, - деп хабарлайды 24.kg.
Қырғызстан прокуратурасы елдің Денсаулық сақтау министрлігі қорғаныш құралдарын сатып алу кезінде алаяқтық жасады деген күдікке ілді. Қырғызстандық ДСМ пандемия кезінде бахилаларды 1,5 сомға (шамамен 7,5 теңгеден) алудың орнына 150 сомнан (шамамен 750 теңге) алған, яғни 100 есе қымбат. Бұл туралы Бас прокуратура жүргізген тексеріс кезінде белгілі болды, - деп хабарлайды 24.kg.
"2020 жылдың 6 мамырында Денсаулық сақтау министрлігі жанындағы аурулардың профилактикасы және мемлекеттік санитарлық-эпидемиологиялық қадағалау департаментінің комиссиясы негізсіз, мемлекеттік сатып алу туралы заңнаманы бұзып, өнім берушілердің ең төменгі бағасы бар коммерциялық ұсыныстарын қабылдамай, жеке қорғаныш құралдарын, комбинезондарды, медициналық қолғаптарды және бахилаларды жоғары бағамен жеткізуге "Ф" ЖШҚ-мен тікелей әдіспен шарт жасауды ұсынған", - деді прокуратураның баспасөз қызметінің өкілдері.
Осылайша техникалық ерекшеліктің талаптарына сәйкес келмейтін 101,3 мың жұп қолғап жеткізілген. Ал келісімде көрсетілген 1,5 сомдық 150 мың бахиланың орнына "Ф" ЖШҚ 1,5 мың бахила жеткізген.
"Денсаулық сақтау министрлігі мен аурулардың алдын алу және мемлекеттік санитарлық-эпидемиологиялық қадағалау департаментінің басшылығы мен лауазымды тұлғаларының заңсыз әрекеттерінің нәтижесінде мемлекетке 5,175 миллион сом (шамамен 26 миллион теңге) залал келтірілді", - деді прокуратура өкілдері.
Тексеру материалы Бас прокуратураның қылмыстар мен теріс іс-әрекеттер бірыңғай тізілімінде тіркелген. Материалдар тергеу үшін құқық қорғау органдарына берілді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
