Қырғызстанның экс-премьерінің ұлына жаза кесілді

18 Мамыр 2016, 17:53
0
Қырғызстанның экс-премьерінің ұлына жаза кесілді - Алтынбек Мұралиев. © Tengrinews.kz
Алтынбек Мұралиев. © Tengrinews.kz

Бішкектің Первомай аудандық соты елдің бұрынғы премьер-министрі Амангелді Мұралиевтің ұлы Алтынбек Мұралиевке қатысты үкім шығарды, - деп хабарлайды Tengrinews.kz тілшісі Қырғызстан Жоғарғы сотының баспасөз қызметіне сілтеме жасап.

Алтынбек Мұралиев "Мемлекетке опасыздық жасау" бабы бойынша кінәлі деп танылып, 12 жылға бас бостандығынан айырылды. Сонымен қатар, оның дүние-мүлкі тәркіленді. Алтынбек Мұралиев жазасын күшейтілген режимдегі түзету колониясында өтейді.

Айта кетейік, Алтынбек Мұралиев Қырғызстан үкіметі аппаратының халықаралық ынтымақтастық бөлімінде меңгеруші болып жұмыс істеген болатын. Ол 2014 жылдың 4 қарашасында ұсталды. Сот процесі жабық режимде өтті. Оған "қызметтік құпия болып есептелетін мәліметтерді шетелдік компанияларға берді" деген айып тағылды. Оның нақты қай елдің тыңшысы болғаны мемлекеттік құпияға сәйкес хабарланған жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай