+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қытай билігі ұлыбританиялық BBC World News телеарнасының ел аумағында хабар таратуына тыйым салды, - деп хабарлайды Deutsche Welle.
Қытай билігі ұлыбританиялық BBC World News телеарнасының ел аумағында хабар таратуына тыйым салды, - деп хабарлайды Deutsche Welle.
Қытай Ұлттық радио және теледидар әкімшілігі (NRTA) телеарна Қытай Халық Республикасының (ҚХР) аумағында телерадио хабарларын тарату ережелерін бұзғанын хабарлады.
Арнада көрсетілген жаңалықтар тиіс ережеде талап етілгендей "шыншыл және адал" болмаған. Сонымен қатар, агенттік телеарна жаңалықтары Қытайдың ұлттық мүддесіне және ел бірлігіне нұқсан келтіретінін мәлімдеді.
"Мемлекеттік радио және телевизия басқармасы BBC World News-ке Қытайда хабар таратуға рұқсат бермейді. Биыл хабар таратуға өтінімдер қабылданбайды", - делінген хабарламада.
Өз кезегінде BBC World News корпорациясы бұл шешімнің дұрыс емес екенін айтты. Ұлыбританияның сыртқы істер министрі Доминик Рааб телеарнаға тыйым салу туралы шешімді "сөз бостандығын шектеу" деп атады.
"Қытайда әлемдегі БАҚ пен интернет бостандығына қатаң шектеулер бар және бұл қадам Қытайдың бүкіл әлемдегі беделіне нұқсан келтіреді", - деп жазды Рааб Twitter-парақшасында.
China’s decision to ban BBC World News in mainland China is an unacceptable curtailing of media freedom. China has some of the most severe restrictions on media & internet freedoms across the globe, & this latest step will only damage China’s reputation in the eyes of the world.
— Dominic Raab (@DominicRaab) February 11, 2021
Шешім Қытайдағы ұйғыр халқын кемсіту туралы BBC репортаждары, сондай-ақ коронавирус туралы туралы материалдар шыққаннан кейін қабылданды.
Айта кетейік, бұған дейін Ұлыбританияда Қытай Коммунистік партиясының бақылауында болған қытайлық China Global Television Network (CGTN) телеарнасынан лицензия қайтарып алынған. Осыдан кейін Қытай дипломаттары ВВС жаңалықтарының мазмұнына шағымдана бастады.
Қытайдың Сыртқы істер министрлігі CGTN-ді ұлыбританиялық лицензиядан айыру туралы түсініктеме берген жоқ. Бірақ, кейінірек BBC телеарнасын Қытайдағы коронавирус туралы хабарлама үшін сынға алып, оны "әдеттегі жалған жаңалық" деп атады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
