Қытай елдің ең ірі қаласы мен қаржы орталығы Шанхайға коронавирусқа қарсы жаппай тестілеу өткізу үшін мыңдаған әскер мен медицина қызметкерлерін жіберді, - деп хабарлайды Tengrinews.kz тілшісі Reuters агенттігіне сілтеме жасап.
Қытай Халық азаттық армиясы (PLA) 26 миллион тұрғынға COVID-19 сынақтарын өткізуге көмектесу үшін армиядан, теңіз флотынан және бірлескен логистикалық күштерден 2 мыңнан аса медициналық қызметкер жіберді.
©REUTERS
Сонымен қатар, Шанхайға Цзянсу, Чжэцзян және Пекин сияқты провинциялардан 10 000-ға жуық медицина қызметкері келді.
©REUTERS
Шанхай билігі сонымен қатар бірнеше ауруханаларды, стадиондарды, көпқабатты үйлерді орталық карантиндік нысандарға айналдырды, соның ішінде 15 000 науқасты қабылдауға Шанхай жаңа халықаралық көрме орталығын іске қосты.
©REUTERS
Сілтемесіз жаңалық оқисыз ба? Онда Telegram желісінде парақшамызға тіркеліңіз!