Қытайда бірнеше рет қуатты жер сілкінісі болды - Бір адам қаза тапты

Камила Долаева Журналист

Сурет: twitter.com/Echinanews

Қытайда күші 5,4 баллдық жер сілкінісі болды, - деп хабарлайды Хабар 24.

Ақпаратқа сәйкес, табиғи апаттың ошағы Сычуань провинциясындағы Нейцзянь қаласынан 1 шақырым жерден өтіп, кіндігі 10 шақырым тереңдікте тіркелді.

Зілзал салдарынан бір адам қаза тапты. Сондай-ақ, 29 адам жараланған.

One died and 29 people were injured as earthquakes hit in SW China's Sichuan province, according to the China Earthquake Networks Center (CENC). pic.twitter.com/Jy67pIgPEO
— China News 中国新闻网 (@Echinanews) September 8, 2019

Кейін Сычуань провинциясының оңтүстік-батысында магнитудасы 4,3 тағы бір жер сілкінісі тіркелді. Қытай сейсмологиялық орталығының мәліметінше, зілзала ошағы Вэйюань уезінің Нэйцзян қаласынан 20 шақырым жерде болған.

Жер сілкінісі жергілікті уақытпен сағат 10:36-да тіркелген. Ол 7 шақырым тереңдікте басталған. Ол 16 миллион тұрғыны бар Чэнду қаласынан 140 шақырым, 31 миллион тұрғыны бар Чунцин қаласынан 200 шақырым жерде болды.

Синьхуа агенттігінің хабарлауынша, Вэйюань уезінде бұған дейін бір қуатты жер сілкінісі болған. Алғашқы жер дүмпуінің магнитудасы 5,4 болды, ол таңғы сағат 06:42-де тіркелді.