1. Басты
  2. Біл
  3. Жаңалықтар
  4. Жаһан

Қытайда коронавирустан қайтыс болғандардың саны 1868-ге жетті: өлім-жітім азайып жатыр18 ақпан 2020, 08:49

© REUTERS © REUTERS

Қытайда коронавирусты жұқтырудың расталған оқиғаларының саны 72,4 мың адамнан асты, оның 1,8 мыңнан астамы қайтыс болды, 12,5 мың адам емделіп, ауруханадан шығарылды. Осындай деректерді ҚХР мемлекеттік денсаулық сақтау мәселелері бойынша комитеті келтірді  - деп хабарлайды Tengrinews.kz тілшісі РИА Новости агенттігіне сілтеме жасап.

Өткен тәулікте жалпы ел бойынша 1886 жұқтырудың расталған жағдайы анықталып, 98 өлім-жітім тіркелді, 1701 науқас шығарылды. Кеше ҚХР билігі 105 адам қаза тапқанын хабарлаған. РЕН ТВ арнасының есептеуінше, COVID-2019 коронавирусы жаңа өлім саны қатарынан бесінші күн бойы төмендеп жатыр.

Қытай билігі 2019 жылы 31 желтоқсанда Дүниежүзілік денсаулық сақтау ұйымын Ухандағы белгісіз пневмонияның белең алуы туралы хабардар етті. Мамандар аурудың қоздырғыштарын анықтады - бұл жаңа коронавирус. Дүниежүзілік денсаулық сақтау ұйымы халықаралық маңызы бар төтенше жағдай деп танып, ауруға ресми атау берді - COVID-19.