Қытайда ойыншының Тибет туралы мәлімдемесінен кейін "Бостон Селтикс" матчтеріне тыйым салынды

Гүлнара Досымшалова Корреспондент

Фото ©REUTERS

Tencent хабар тарату компаниясы, АҚШ Ұлттық баскетбол қауымдастығының (NBA) қытайлық серіктесі, команда ойыншыларының бірі Қытай үкіметін Тибеттегі "мәдени геноцид" деп айыптағаннан кейін "Бостон Селтикстің" барлық матчтарын көрсетуден бас тартты, - деп хабарлайды Tengrinews.kz тілшісі Deutsche Welle агенттігіне сілтеме жасап.

Tencent хабар тарату компаниясы, АҚШ Ұлттық баскетбол қауымдастығының (NBA) қытайлық серіктесі, команда ойыншыларының бірі Қытай үкіметін Тибеттегі "мәдени геноцид" деп айыптағаннан кейін "Бостон Селтикстің" барлық матчтарын көрсетуден бас тартты, - деп хабарлайды Tengrinews.kz тілшісі Deutsche Welle агенттігіне сілтеме жасап.

Баскетболшы Энес Кантер әлеуметтік желіде Қытайдың саясатын сынға алғаннан кейін "Бостон Селтикстің" барлық ойындары елде көрсетілмейтін болып, мұрағаттан өшірілген.

"Мен Тибетте не болып жатқанына өз ойымды айту үшін келдім. Қытай үкіметінің қатал билігі кесірінен тибет халқының негізгі құқықтары мен бостандықтары жоқ. Қытай диктатурасы Тибеттің өзіндік ерекшелігі мен мәдениетін құртып жатыр", - деп Кантер Twitter-дегі видеосында айтты. Видеода сонымен қатар Қытай төрағасы Си Цзиньпинді "қанды диктатор" деп сипаттайтын мәтін бар.

Dear Brutal Dictator XI JINPING and the Chinese Government

Tibet belongs to the Tibetan people!#FreeTibet pic.twitter.com/To4qWMXK56
— Enes Kanter (@EnesKanter) October 20, 2021

Кантер видеода Қытай үкіметі қауіпті тибет сепаратисті деп санайтын Далай Ламаның суреті бар футболка киген.

Видео жарияланғаннан кейін ҚХР-да "Бостон Селтикстің" барлық матчтары "Қытай интернетінен" жойылды. Бұдан басқа, елде "Бостон Селтикстің" қатысуымен өтетін матчтарды трансляциялау тоқтатылады, бұл клубтың табысына әсер етеді.

More than 150 Tibetan people have burned themselves alive!! — hoping that such an act would raise more awareness about Tibet.

I stand with my Tibetan brothers and sisters, and I support their calls for Freedom.#FreeTibet #FreedomShoes pic.twitter.com/MKxfs1l7GA
— Enes Kanter (@EnesKanter) October 20, 2021

Еске салайық, Қытай үкіметі Қытайдың интернет индустриясын бақылауды күшейтіп жатыр. Мысалы, елде 18 жасқа дейінгі балаларға арналған онлайн ойындар аптасына үш сағатқа дейін шектеліп, мектеп күндерінде ойнауға тыйым салынды. Ойын жасаушылар жаңа ойындарды шығарар алдында үкіметтің мақұлдауына ұсынуы керек. Шенеуніктер оларды ұлтшылдық мотивтерді қосуға шақырды.

Сондай-ақ, Қытай мектептері мен университеттерінде "Си Цзиньпиннің ойлары" пәні оқытыла бастайды. Курста коммунистік мұраттарға баса назар аударатын он төрт негізгі қағида бар. Кейінірек Қытай үкіметі ер адамдарға теледидарда көрінуге тыйым салды және теледидар компанияларынан "революциялық мәдениетті" насихаттауды талап етті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!