+7 (777) 001 44 99
Қазақша
Русский
English
Мали астанасындағы Radisson Hotel Bamako қонақүйінде кепілге алынған адамның видеосы Желіде жария болды. Видеожазбаны "Синхуа" агенттігі жария етті.
Кепілге алынған адамның ұялы телефонына түсірген видеосында қарулы адамдардың қонақүй маңында жүргенін көруге болады, олардың жартысы ғимаратқа кіріп кетеді. Агенттіктің мәліметінше, кепілге алынғандардың арасында Қытайдың кем дегенде жеті азаматы бар.
Еске салайық, 20 қарашада он содыр Radisson Hotel Bamako қонақүйіне басып кіріп, 170 адамды кепілге алған. Алдын ала мәлімет бойынша, кепілге алынғандардың арасында Қазақстан азаматтары жоқ.
Қонақүйге арнайы операция жасалмай тұрғанда кепілге алынғандардың жартысы жіберілді, - деп хабарлайды РИА Новости. Нақтырақ айтқанда, Түркияның бес азаматы, Turkish Airlines әуе тасымалдаушысының қызметкерлері босатылған. Құқық қорғау органдары тағы да 80 адамды босатқан. Мали президенті Ибрагим Бубакар Кейта Чадтағы іссапарын шұғыл тоқтатып, ел астанасына оралды. Франция жергілікті арнайы қызметке көмектесу үшін Бамакоға жандармерияның 50 қызметкерін жіберіп отыр.
