Мәскеу түбінде әскери ұшақ құлады: оқиғаның видеосы

Дина Шарипханова Корреспондент

Ресейде "Кубинка" аэродромынан ұшып шыққан Ил-112В ұшағы Никольское ауылы маңында апатқа ұшырады, - деп хабарлайды Tengrinews.kz тілшісі РИА Новостиге сілтеме жасап.

Ресейде "Кубинка" аэродромынан ұшып шыққан Ил-112В ұшағы Никольское ауылы маңында апатқа ұшырады, - деп хабарлайды Tengrinews.kz тілшісі РИА Новостиге сілтеме жасап.

Біріккен авиация корпорациясы (БАК) мәліметінше, Ил-112В жеңіл әскери-көлік ұшағының прототипі "Кубинка" аэродромынан Жуковскийге ұшу кезінде Никольское ауылы маңында апатқа ұшыраған.

"Сағат 11.18-де (Нұр-Сұлтан уақыты бойынша сағат 14.18-де. - ескерт.) "Кубинка" аэродромынан Жуковскийге ұшу кезінде Ил-112В жеңіл әскери ұшағы Никольское маңындағы орман белдеуіне құлады", - деді корпорация өкілі.

Посмотреть эту публикацию в Instagram

Публикация от TengriTV (@tengritv)

Дәл осындай ақпаратты РИА Новостиге авиациялық индустриядағы дереккөз хабарлаған. Мәлімет бойынша, борт "Кубинкадан" Громов атындағы ұшу-зерттеу институтының (Жуковский) "Раменское" эксперименттік аэродромына бара жатқан. Алдын ала мәлімет бойынша, Ил-112В экипажы қаза болған.

Ил-112В жеңіл әскери-көлік ұшағы жеке құрамды, қаруды, жеңіл әскери техниканы және басқа салмағы 5 тонна болатын жүктерді тасымалдауға және әуеде қонуға арналған.

Шілдеде вице-премьер Юрий Борисов Ил-112В құру мәселелерін біртіндеп шешуге болатынын айтты. Бұған дейін ұшақтың тым ауыр екені туралы бірнеше рет хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ресей ұшақ апаты