+7 (777) 001 44 99
Қазақша
Русский
English
Мәскеуде төрт жасар қызды өлтірді деп айыпталған Гүлчехра Бобокулова есімді бала күтуші қылмыстық жауапкершіліктен босатылып, психиатрлық ем алуға жіберілді, - деп жазады РИА Новости.
Тергеу мәліметінше, жантүршігерлік оқиға Мәскеуде ақпан айында болған. Өзбекстандық бала күтуші сәбидің ата-анасы үлкен баласымен бірге үйден кететін уақытын күтіп отырған. Содан бала күтуші төрт жасар сәбиді өлтіріп, кейіннен пәтерді өртеп жіберіп, оқиға орнынан кетіп қалған. Куәгерлердің айтуынша, әйел үйді өртеп жіберген соң, шамамен 20 минуттай аулада сәбидің кесілген басын ұстап, өз-өзімен сөйлесіп, полицейлер мен өтіп бара жатқан адамдарды қорқытқан.
Қылмыстық іс аясында кешенді стационарлық психиатрлық сараптама жүргізілді. Сараптама қорытындысы 39 жастағы Бобокуловада психикалық ауытқулардың бар екенін көрсеткен.
Сондай-ақ, өзбекстандық бала күтушінің аудармашысы Гүлчехра Бобокулованың кінәсін мойындағанын айтты.
