+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мәскеуде Вешняки ауданы тұрғындары жергілікті әкімшілікке Әлия Молдағұлованың есімін мектептердің біріне беру немесе қайтару туралы өтініш берді, - деп хабарлайды "Хабар 24" телеарнасы.
Мәскеуде Вешняки ауданы тұрғындары жергілікті әкімшілікке Әлия Молдағұлованың есімін мектептердің біріне беру немесе қайтару туралы өтініш берді, - деп хабарлайды "Хабар 24" телеарнасы.
Телеарна мәліметі бойынша, әлемдегі алғашқы мерген әйелдер мектебі 1943 жылы Вешняки қаласында ашылған. Осы оқу орнында Әлия Молдағұлова оқыған.
Әлия Молдағұлова майданда ерлікпен қаза тауып, Кеңес Одағының Батыры атағын алған. Кейін мектеп пен аудандағы екі көше атақты мерген қыздың есімімен аталған.
Телеарна тілшісінің ақпаратына сүйенсек, жақында Вешняки ауданындағы бірнеше оқу орны біріктіріліп, бұрын Молдағұлова есімі берілген мектеп атауы № 1512 мектеп бөлімшесі болып қалған.
Жергілікті тұрғындар, көпшілігі Молдағұлова мектебінің түлектері, қазақстандық мергеннің атын оқу орнына қайтаруды сұрайды. Олар жергілікті әкімшілікке жүгініп, өтініш берген.
"Былтыр Жеңістің 75 жылдығында екі рет - Жеңістің 75 жылдығына және Әлия Молдағұлованың 95 жылдығына байланысты өтініш бердік. Бұл есім қалпына келтіріліп, Мәскеуде тағы да Әлия Молдағұлова атындағы мектеп болады деген үміттеміз", - деді басылымның журналисі, "Қазақ диаспорасы" қорының басшысы Полад Джамалов.
Бұған дейін Вешняки тұрғындары үйлердің біріне Әлия Молдағұлованың құрметіне ескерткіш тақта орнатуға рұқсат алған.
Айта кетейік, 2021 жылғы 12 қаңтарда премьер-министр Асқар Мамин "Ақтөбе Халықаралық әуежайы" ААҚ-на Әлия Молдағұлованың атын беру туралы өкім шығарған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
