+7 (777) 001 44 99
Қазақша
Русский
English
Мемлекеттік айыптаушы мәскеулік метрополитенде коронавирусқа байланысты пранк ұйымдастырған Кароматулло Джаборовты 4 жылға қамауды сұрады, - деп хабарлайды РИА Новости және НТВ.
Тәжікстан азаматы Джаборов алдын ала сөз байласу арқылы бір топ адаммен бұзақылық жасады деп айыпталды.
Былтыр ақпанда пранкер метродағы видео тарап кеткеннен кейін ұсталған. Видеода блогер құлап, ұстама болғандай кейіп танытқан. Оның қасында пранкер қауіпті вирус жұқтырғанын айтып айғайлаған жігіттер тұрған.
Артынша Джаборов қамауға алынып, қасындағы екі жігіт ешқайда кетпеу туралы қолхатпен босатылған.
Пранкерге қатысты үкім 2 тамызда шығады. Прокурор оның сыбайластарын үш жылға бас бостандығынан айыруды сұрады.
Бұған дейін Джаборов істеген әрекетіне өкінетінін, сол күні метрода қорқып қалған адамдардан кешірім сұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
