Мьянмада интернет толық дерлік өшірілді

Фото ©REUTERS

Мьянмадағы наразылықтар аясында интернет толығымен дерлік өшірілді. Бұл туралы әлем бойынша интернеттің жұмысын талдайтын NetBlocks үкіметтік емес ұйымы әлеуметтік желіде жариялады, - деп хабарлайды Tengrinews.kz тілшісі.

Мьянмадағы наразылықтар аясында интернет толығымен дерлік өшірілді. Бұл туралы әлем бойынша интернеттің жұмысын талдайтын NetBlocks үкіметтік емес ұйымы әлеуметтік желіде жариялады, - деп хабарлайды Tengrinews.kz тілшісі.

⚠️ Confirmed: A near-total internet shutdown is in effect in #Myanmar as of 1 a.m. local time; real-time network data show national connectivity at just 14% of ordinary levels following state-ordered information blackout; incident ongoing 📉

📰Background: https://t.co/Jgc20OBk27 pic.twitter.com/wWWVzb0c0G
— NetBlocks (@netblocks) February 14, 2021

NetBlocks мәліметінше, Мьянмада интернет тек 14 пайызға қолжетімді. Дүйсенбіде Нұр-Сұлтан уақытымен сағат 00:30-да елде интернет толық дерлік өшірілген.

It's as if the generals have declared war on the people of Myanmar: late night raids; mounting arrests; more rights stripped away; another Internet shutdown; military convoys entering communities. These are signs of desperation. Attention generals: You WILL be held accountable.
— UN Special Rapporteur Tom Andrews (@RapporteurUn) February 14, 2021

"Генералдар Мьянма халқына соғыс жариялаған сияқты: түнгі рейдтер, ұсталғандар және құқығы тапталғандар саны артып жатыр, интернет тағы өшірілді, әскерилер елді мекендерге кіріп жатыр. Бұл үміт жоқ дегенді білдіреді. Генералдар, назар аударыңыздар: сіздер жауап бересіздер", - деді Мьянмадағы Біріккен Ұлттар Ұйымының (БҰҰ) Адам құқықтары жөніндегі арнайы баяндамашысы Томас Эндрюс.

Еске салайық, Мьянмада 1 ақпанда әскери күштер билікті басып алып, президент Вин Мьин мен Нобель сыйлығының лауреаты, мемлекеттік кеңесші Аун Сан Су Чжи ұсталды. Елде төтенше жағдай жарияланды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!