+7 (777) 001 44 99
Қазақша
Русский
English
Оппозиция жетекшісі Алексей Навальныйды қолдау наразылық акциясында Ресейдің 82 қаласынан 1 226 адам ұсталды, - деп хабарлайды "ОВД-Инфо".
31 наурызда Владимир облысындағы колонияда жатқан Навальный азаматтық дәрігерді кіргізу туралы талап орындалғанға дейін аштық жариялайтынын айтқан еді. Осыған байланысты Навальный жақтастары саясаткердің денсаулығы мен өміріне алаңдап наразылыққа шыққан.
Акцияға қатысушылар: "Ресей бақытты болады", "Навальныйға дәрігер кіргізсін", "Босат", "Навальныйға еркіндік" деп ұрандады.
Ресейлік БАҚ мәліметі бойынша, қауіпсіздік күштері Санкт-Петербургтегі акцияларда барынша қатаң әрекет еткен. Ол жерде 500-ге жуық адам тұтқындалған.
В Питере двое силовиков набросились на протестующего, который стоял на месте, применили к нему электрошокер и начали избивать дубинкой pic.twitter.com/m3iaQkdwlE
— МБХ медиа (@MBKhMedia) April 21, 2021
Мәскеуде құқық қорғау органдарының өкілдері наразылық қатысушыларына қатысты ұстамды әрекет еткен. Мұнда бүкіл акция кезінде шамамен 25 адам ұсталды. Ал ұйымдастырушылардың айтуынша, кем дегенде 60 мың адам көшеге шыққан. Ішкі істер министрлігі мәліметі бойынша, ауқымы әлдеқайда аз - 6,5 мыңнан аспайтын адам наразылық акциясына қатысқан.
Мәскеудегі акцияның соңында наразы топ Федерал қауіпсіздік қызметінің негізгі ғимараты орналасқан Лубянкаға дейін барған.
Мәскеудегі акцияға саясаткердің анасы Людмила Навальная және оның әйелі Юлия Навальная қатысқаны көрінеді.
Сондай-ақ, жақтастардың арасында рэп-орындаушылар NoizeMC, Влади, Oxxxymiron және Face, жазушы Дмитрий Быков бар.
Посмотреть эту публикацию в Instagram
Ресейдің басқа қалаларының ішінде Уфа (кем дегенде 87 адам), Сочи (кем дегенде 50 адам) және Қазан (кем дегенде 40 адам) шарада ұсталғандар саны бойынша көш бастап тұр.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
