+7 (777) 001 44 99
Қазақша
Русский
English
Нұрсұлтан Назарбаев Иран Ислам Республикасының президенті Хасан Руханиге көңіл айту жеделхатын жолдады, - деп хабарлайды Tengrinews.kz тілшісі Ақордаға сілтеме жасап.
Мемлекет басшысы Ирандағы жолаушылар ұшағы апатының салдарынан көптеген адамның қаза болғаны туралы хабарды зор күйзеліспен қабылдады.
"Қазақстан халқының және жеке өзімнің атымнан қаза болғандардың туыстары мен жақындарына көңіл айтып, қайғыларына ортақтастығымды білдіремін", - делінген жеделхатта.
Еске сала кетейік, кеше, 18 ақпанда Иранда жолаушылар ұшағы құлаған болатын. Ұшақ Иранның Исфахан провинциясындағы Семиром қаласының маңында апатқа ұшыраған.
"Ұшақ Тегеран - Ясудж рейсін орындаған. Түрлі мәліметтер бойынша, бортта алпыстан жүзге дейін адам болған", - делінген еді хабарламада.
