+7 (777) 001 44 99
Қазақша
Русский
English
Қазақша
Русский
English
Nissan концернінің экс-басшысы Карлос Гон жеке күзет компаниясын тарту арқылы арнайы операция нәтижесінде қашып кетті, - деп хабарлайды РИА Новости.
Осыған дейін Ливан СІМ дереккөзі РИА Новости басылымына берген сұхбатында Гонның Ливанда жүргенін және ел президенті Мишель Аунмен кездескенін айтқан еді. Гонның өзі Жапониядан "саяси қудалаудан құтылу үшін" қашқанын мәлімдеген.
"Ол Ливанға Стамбулдан жеке ұшақпен келді. Франция төлқұжатымен жүр. "Аль-Ахбар" басылымы дереккөзге сілтеме жасап, Гонның Жапониядан жеке күзет компаниясын тарту арқылы арнайы операция нәтижесінде қашып кеткенін хабарлады", - деп жазады газет.
Ливандағы Жапония елшісі өз кезегінде ливандық MTV телеарнасына жапон үкіметінің Карлос Гонның қашуы туралы мәліметтері жоқ екенін айтты. "Мен оны шығаруға ықпал еткен арнайы операция туралы БАҚ-та жарияланған хабарламаларға таң қалдым. Бұл оқиға күмәнді", - деді елші.
Гон 2018 жылдың қараша айында 70 миллион доллар көлемінде салық төлеуден жалтарды деген күдікпен тұтқындалған, кейінірек оған тағы бірнеше эпизод қосылды. 2019 жылдың қаңтар айында Гонға ресми түрде қаржы және қызмет бабын асыра пайдалану айыбы тағылды. Көктемде қорғаушылар оны кепілақымен босатып, Гонды үйқамаққа алған еді.
Ливандағы СІМ өкілі РИА Новости басылымына берген сұхбатында Карлос Гонның таяу уақытта баспасөз конференциясын өткізетінін айтты.
